En primeiro lugar, as avaliacións previas serven de base para preparar os plans e documentos de programación nos cales se integran. Son responsabilidade do Estado membro. En segundo lugar, as avaliacións intermedias, realizadas a metade do período de programación, son fundamentais para valorar a marcha dos programas e, se é o caso, establecer as reprogramacións e modificacións nos procedementos de xestión que se consideren oportunos. Finalmente, a avaliación posterior analiza a utilización dos fondos, a eficacia e a eficiencia das intervencións e o seu impacto.