No mes de maio do ano 2007, as autoridades de xestión do FEDER e do Fondo de Cohesión, a través do seu responsable en materia de comunicación, puxeron en marcha a Rede de Comunicación GRECO-AGE. Esta rede nun primeiro momento contou só cos Organismos Xestores destes Fondos da Administración Xeral do Estado. Estes organismos son aqueles que xestionan actuacións da AGE que son cofinanciadas con estes Fondos, aínda que estas poden estar enmarcadas tanto en Programas Operativos Rexionais como en Programas Plurirrexionais.
Por iso, as medidas de Comunicación que estes Organismos deben pór en práctica no período de programación virán reflectidas nos Plans de Comunicación dos Programas Operativos nos que participen. Posteriormente esta Rede abriuse tamén á participación das Entidades Locais que participan nalgún dos Programas Operativos, sendo, por tanto, beneficiarios dalgún destes Fondos durante o período 2007-2013.