Esparru Atlantikoa Programa da “Europako Lurralde Lankidetza” Helburuaren baitako Nazioz Haraindiko Lankidetza Programa, eta 2007-2013 programazio-epeko kohesio-politikaren tresna da, Europako Batzordeak 158 milioi euroko diru-zuzkidurarekin Eskualde Garapeneko Europako Funtsaren bidez (EGEF) finantzatzen duena.
Egun, lankidetzako Esparru Atlantikoak Irlandako lurralde osoa eta Espainiako, Portugaleko, Frantziako eta Erresuma Batuko Atlantikoko eskualdeak barne hartzen ditu.
Nazioz haraindiko lankidetzan aurrerapen nabarmen eta hautemangarriak egitea du helburu estrategiko orokortzat, Esparru Atlantikoaren eta horko itsas herentziaren lurralde-garapen kohesionatuari, jasangarriari eta orekatuari laguntzeko.
Lau lehentasun estrategiko hauen bidez ezartzen da Programaren estrategia: Nazioz haraindiko enpresa- eta berrikuntza-sareak sustatzea, itsasoko eta itsasertzeko ingurumenaren segurtasuna eta jasangarritasuna babestea eta areagotzea, irisgarritasuna eta barne-konexioak hobetzea eta hiri eta eskualde-garapen jasangarrirako nazioz haraindiko sinergiak sustatzea.