Europako Gizarte Funtsa Europak enplegua sustatzeko, jendeak lanpostu hobeak lortzeko laguntza eskaintzeko, eta EBko herritar guztientzako bidezko lan-aukerak bermatzeko duen oinarrizko tresna da. Horretarako, Europako Gizarte Funtsak Europako giza-kapitalean inbertitzen du: langile, gazte eta, berez, enplegua edo enplegu hobea bilatzen duten pertsona guztietan. Finantzaketa urtean 10.000 milioi eurokoa da, eta milioika europarren lan-etorkizuna hobetzen du, lana aurkitzeko zailtasunak dituztenena bereziki.
Europako Batzordeak eta EBeko estatu kideek batera ezartzen dituzte Europako Gizarte Funtsaren lehentasunak, eta baliabideak nola erabiltzen diren erabakitzen dute. Lehentasunetako bat besteren konturako langileen moldatzeko gaitasuna sustatzea da, gaitasun berriak eskuratzen lagunduz: enpresei dagokienez, lan egiteko modu berriak sustatuz.
Beste lehentasun batzuk enpleguaren sarreran jartzen dute arreta, ikasle gazteak lan mundurako trantsizioan lagunduz, edo lana bilatzen duten kualifikazio gutxiagoko pertsonei prestakuntza eskainiz, haien lan-etorkizuna hobetzeko.
Beste lehentasun bat kalteberatasuneko egoeran dauden pertsonei laguntzera zuzenduta dago. Horri esker, gizarte-inklusioa sendotzen da, kalitatezko enplegua erabakigarria baita gizarte-integrazioan eta eguneroko bizitzan.
Europako Gizarte Funtsari buruzko informazio gehiago: